Gwiriad Diogelwch Nwy AM DDIM

Mae Cymdeithas Tai Teulu'n cynnal gwiriadau diogelwch nwy AM DDIM ym mhob un o'i eiddo bob blwyddyn, i wneud yn siwr nad yw carbon monocsid yn gollwng o foeleri.

DRWY GYFRAITH, mae rhaid i bob boeler nwy ym mhob un o'n heiddo gael eu gwirio gan beiriannwr CORGI cofrestredig o leiaf unwaith y flwyddyn.

Mae RHAID i chi adael peirianwyr gwasanaethu nwy sy'n gweithio i Gymdeithas Teulu i mewn i'ch cartref i wasanaethu'r boeler nwy.

Beth yw Carbon Monocsid?

Mae'n nwy cyffredin, llechwraidd sy'n wenwynig ac yn gallu lladd. Fe'i cynhyrchir pan fydd cyfarpar tanwydd ffosil fel nwy, olew a thanwydd solet ar waith. Mae rhagor ohono'n cael ei gynhyrchu os nad oes digon o aer/ocsigen o amgylch y cyfarpar, neu os nad yw'r teclyn yn gweithio'n iawn

Nid oes ganddo liw
Nid oes ganddo arogl
Nid oes ganddo flas
Mae'n ddistaw, yn anweledig a'n llethol
Os ydych chi'n ei anadlu i mewn, mae'n rhwystro'r gwaed rhag sugno'r ocsigen sydd ei angen arno i'ch cadw chi'n fyw.

Pryd ydych chi mewn perygl?

Rydych chi mewn perygl o gael eich gwenwyno gan garbon monocsid:

Os nad yw cyfarpar yn gweithio'n iawn oherwydd hylosgiad anghyflawn
Os nad oes digon o aer ffres yn yr ystafell
Os yw simnai neu ffliw yn cael eu blocio a bo carbon monocsid yn mynd mewn i'ch man byw

Beth yw'r Arwyddion Perygl?

Os ydych chi'n teimlo'n gysglyd, os oes gennych chi gur pen, yn teimlo'n sigledig pan rydych chi'n sefyll i fyny, yn teimlo'n sâl/taflu fyny, neu os oes gennych chi boen yn eich brest, gallwch chi fod yn dioddef o gamau cyntaf gwenwyn carbon monocsid.

Dim ond rhai o'r symptomau yw'r rhain. Gallwch chi hefyd deimlo'n flinedig, dodded o gylchguriadau'r galon, neu gael dolur rhydd a phoenau yn y stumog.

Gallai Carbon Monocsid arwain at farwolaeth neu achosi niwed parhaol i feinwe sy'n llawn ocsigen, fel yr ymennydd neu'r galon. O fod yn agored yn gyson i lefelau cymharol isel o Garbon Monocsid, gallai hyn arwain at effeithiau iechyd sylweddol.

Yn aml, caiff gwenwyn Carbon Monocsid ei gymysgu gyda symptomau ffliw neu annwyd neu effaith byw.

Os oes gennych chi unrhyw rai o'r symptomau yma, trowch eich offer i ffwrdd a gofynnwch am gyngor meddygol.

Beth yw'r Ffynonellau Posib o Garbon Monocsid yn eich Cartref?

Boeler
Gwresogydd Dwr Nwy
Ffwrn Nwy/Hob - Popty
Lle tân (pren, glo neu nwy)
Troi'r car ymlaen ar fore oer mewn garej atodedig
Barbiciw - siarcol/nwy
Gwresogydd nwy - Gwresogydd Lleoedd Gwag

Cysylltwch â ni os hoffech chi ragor o wybodaeth