GWYBODETH BWYSIG I YMGEISWYR NEWYDD

O 2 Chwefror 2010, rydym wedi cau bron y cyfan o’n rhestri aros dros dro. Cliciwch yma am ragor o wybodaeth.

Gwneud Cais am Dy

Os ydych chi eisiau gwneud cais am dy gyda Chymdeithas Tai Teulu (Cymru) Cyf, fe fydd yn rhaid i chi anfon ffurflen gais wedi’i chwblhau atom ni. I gael un o’r rhain, yr unig beth sydd rhaid gwneud yw:-

Galw mewn i’n swyddfa yn Walter Road rhwng 9:00yb a 5:00yh Llun i Wener.
Ffonio ein tîm eiddo a osodir ar 01792 482702, ac fe fyddan nhw’n anfon un atoch chi yn y post.
Lawrlwytho ac argraffu copi yma. (Mae angen Acrobat Reader i wneud hyn). Cwblhewch y ffurflen ac un’ ai dewch â hi i’r swyddfa, neu anfonwch hi drwy’r post.

Os oes gennych chi unrhyw ymholiadau ynghylch y ffurflen, cysylltwch â ni.

A ydw i’n cymhwyso?

Mae ein heiddo’n boblogaidd iawn ac mae llawer o alw amdanynt. O ganlyniad, cant eu dyrannu i’r rhai hynny sydd eu hangen fwyaf, ac nid yn unig ar sail y cyntaf i’r felin. Fe fydd p’un ai a allwn ni eich rhoi chi ar ein rhestr aros neu beidio, yn dibynnu ar eich amgylchiadau personol.

Beth sy’n digwydd pan fyddwn ni’n derbyn eich ffurflen gais?

Fe fyddwn ni’n asesu’r wybodaeth rydych chi’n rhoi ar y ffurflen gais, ac os na fydd gennym ni unrhyw gwestiynau neu angen mwy o wybodaeth, fe fyddwn ni’n anfon llythyr atoch chi yn rhoi manylion o’r pwyntiau a ddyfarnwyd i chi, a ph’un ai y byddwn ni’n derbyn eich cais a’i roi ar ein rhestri aros neu beidio. Fodd bynnag, os oes gennyn ni unrhyw gwestiynau ynghylch eich cais, neu os fyddwn ni angen mwy o wybodaeth, fe fyddwn ni’n rhoi eich ffurflen i un ochr nes bod gennym ni’r holl wybodaeth sydd ei angen arnom ni.Cyn i ni wneud unrhyw gynnig o ran llety, fe fyddwn ni’n trefnu ymweliad i’ch cartref i wirio’r wybodaeth a roddwyd ar y ffurflen gais. Fel arfer, fe fyddwn ni’n cynnig eiddo gwag i’r ymgeisydd sydd â’r asesiadau pwyntiau uchaf yn y categori addas

Fe fyddwn ni’n anfon unrhyw gynnig am lety ar bapur

Rydyn ni’n adolygu pob cais am ailgartrefu’n rheolaidd, ac fe fyddwn ni mwy neu lai yn cysylltu â chi pob chwe mis tra rydych chi ar ein rhestr aros, i wirio eich bod chi’n dymuno cael eich ailgartrefu o hyd, a ph’un ai a yw eich amgylchiadau wedi newid mewn unrhyw ffordd. Mae’n bwysig iawn eich bod chi’n dychwelyd y slip priodol y byddwn ni’n ei anfon atoch chi o fewn yr amser a ganiateir yn ystod yr adolygiad.

Beth ddylwn i wneud os fydd fy amgylchiadau’n newid?

Mae rhaid i chi roi gwybod i ni am unrhyw newid mewn amgylchiadau a allai effeithio ar y pwyntiau a ddyfarnwyd i chi. Er enghraifft, newid cyfeiriad, newid o ran statws priodasol, nifer y dibynyddion ac ati. Os nad ydych chi’n gwneud hyn, fe allai effeithio ar unrhyw gynnig o ran llety yn y dyfodol. Os ydy eich amgylchiadau wedi newid, fe fyddwn ni’n ail-asesu eich cais yn unol â’r cynllun pwyntiau sydd wedi’i atodi i’n polisi gosodiadau, ac fe fyddwn ni’n rhoi gwybod i chi am unrhyw newidiadau i’r pwyntiau a ddyfarnwyd i’ch cais.